Müəllif: Tamara Mustafayeva, Banco.az
Avropa Mərkəzi Bankının (ECB) faiz dərəcələrində görünməmiş artımdan sonra 20 üzvlü Avrozonada inflyasiya analitiklərin proqnozlarından aşağı hesablanıb.
Banco.az xəbər verir ki, Avropa Statistika İdarəsi (Avrostat) Avrozonanın noyabr ayı üzrə aparıcı inflyasiya məlumatlarını dərc edib.
Məlumatlara görə, Avrozonada İstehlakçı Qiymət İndeksi (CPI) noyabr ayında illik 2,4 faiz artım göstərib. Proqnozlar inflyasiyanın 2,7 faiz səviyyəsində reallaşmasını nəzərdə tuturdu. Oktyabrda isə inflyasiya 2,9 faiz artım göstərmişdi.
Digər tərəfdən, CPI noyabr ayında aylıq 0,5 faiz azalıb. “Bloomberg”in iqtisadçılar arasında keçirdiyi sorğuya əsasən, inflyasiyanın aylıq 0,2 faiz azalacağı gözlənilirdi. Oktyabrda inflyasiya aylıq 0,1 faiz artmışdı.
Bizi sosial şəbəkələrdən izləyin!!
