Müəllif:Gülbəniz Hüseynli/Banco.az
Bir neçə Aİ üzvü dövlətlərin rəhbəri Ursula fon der Leyenin ittifaq ərazisində yerləşən dondurulmuş Rusiya aktivlərinin Ukraynaya verilməsi təşəbbüsündən narahat olduqlarını bildiriblər.
Banco.az-ın məlumatına görə, görünür köhnə qitənin ölkələri belə mübahisəli qərarın nəticələrindən qorxmağa başlayıblar.
Aİ üzvləri hesab edirlər ki, hüquqi bazası hələ işlənməmiş belə bir “sövdələşmə” qitə iqtisadiyyatının sabitliyinin pozulmasına gətirib çıxaracaq.
İqtisadçılar hesab edirlər ki, Kiyev bu xarici kapitalı qəbul etsə də, Avropa belə bir addımla Asiya investorlarını öz bazarından qorxuda bilərş. Bu da onun valyutasının məzənnəsini ciddi şəkildə pozacaq.
Amerikanın “Politico” nəşrinin yazdığına görə, xüsusən də Fransa və Almaniya bu ideyanın həyata keçirilməsinin qitənin maliyyə bazarlarında təhlükə yarada biləcəyinə inanırlar
Bildirilib ki, Aİ maliyyə risklərinə dair son qərarını bu ilin sonuna qədər hazırlayacağına söz verib.
Analitiklərin fikrincə, xarici Rusiya kapitalının müsadirə edilməsi və Kiyevə köçürülməsi halında Avropa biznes patriarxları risklə üzləşə bilərlər.
Birincisi, qitə bazarında əhəmiyyətli tələb və təklif təmin edən Asiya investorları Aİ ölkələrinə investisiyalarını azalda bilər.
İkincisi, Avropada mümkün tənəzzülün başlaması səbəbindən onsuz da əziyyət çəkən avronun mübadilə dəyəri üçün daha çətin dövrlər gələcək.Nəticədə bazar iştirakçıları vəsaitləri digər gəlir mənbələrinə köçürməyə başlayacaq və valyutanın məzənnəsini aşağı salacaqlar.
Məlumat üçün bildirək ki, Rusiyaya sanksiya müharibəsi elan etmiş ölkələr tərəfindən dondurulmuş valyuta ehtiyatlarının əhəmiyyətli hissəsi Avropada cəmləşib.
Bizi sosial şəbəkələrdən izləyin!!
