Biznesin inkişafı investisiya qoyuluşunu tələb edir. Bəzən maliyyə vəsaitinin çatışmazlığı problemi sahibkarlıq fəaliyyəti ilə məşğul olan şəxslərin səmərəli biznes mühitindən yararlanaraq bizneslərini genişləndirmək arzularını reallaşdırmağa mane olur. Hər zaman iqtisadiyyatın real sektoruna maliyyə dəstəyi verən Azər Türk Bank bunu nəzərə alaraq biznesini genişləndirmək istəyən hüquqi şəxslər və sahibkarlıq fəaliyyəti ilə məşğul olan fiziki şəxslər üçün biznesin inkişafı ideyalarının reallaşdırılmasına əlavə imkanlar yaradan biznes kreditləri təklif edir. Azər Türk Bankın sərfəli şərtlərlə verilən biznes kreditlərindən yararlanmaq istəyən şəxslər müvafiq hüquqi sənədləri təqdim etməklə Bankın istənilən filialına yaxınlaşaraq kredit müraciəti edə bilərlər. Biznes krediti ilə bağlı müraciətlərə fərdi şəkildə baxır.
1995-ci ildən fəaliyyət göstərən "Azər Türk Bank" ASC-nin səhmlərinin 75 faizi Azərbaycan dövlətinə məxsusdur. Bankın xidmət şəbəkəsi, məhsul və xidmətləri barədə daha ətraflı məlumatları www.azerturkbank.az saytından, Bankın sosial şəbəkələrdəki korporativ səhifələrindən, yaxud (012) 945 nömrəli Məlumat Mərkəzindən əldə etmək olar.
