2013-cü il noyabr ayının 15-də “Bank Technique”in “Şans” depoziti üzrə vəsait yatıran əmanətçilərinin arasında “Volkswagen Polo” avtomobilini qazandırmaq şansını verən “Şans Technique” adlı stimullaşdırıcı lotereyasının ilk tirajı oynanılıb.
Lotereyanın qalibi Bankın Baş ofisinin müştərisi Qaraxanova Ləman Etibar qızı olub.
“Atrabank” ASC-nin səhmlərinin buraxılışı qeydiyyata alındı.
“Atrabank” Açıq Səhmdar Cəmiyyəti bankın məcmu kapitalını 50 (əlli) milyon manatadək artırılması ilə bağlı Səhmdarların 17 oktyabr 2013-cü il tarixli qərarına əsasən kütləvi təklif üsulu ilə yerləşdirilən, hər birinin dəyəri 400 (dörd yüz) manat olan 100 000 (yüz min) ədəd adi sənədsiz adlı səhmlərinin buraxılışı Azərbaycan Respublikasının Qiymətli Kağızlar üzrə Dövlət Komitəsində 12 noyabr 2013-cü ildə qeydiyyata alınmışdır.
Bakıda PAŞA Bankın yeni Biznes-mərkəzinin açılış mərasimi keçirilib. Biznes-mərkəzin fəaliyyəti kiçik biznes nümayəndələri ilə işə yönəldilib. Açılış mərasimində PAŞA Bankın rəhbərliyi, müştəriləri və yeni Bölmənin əməkdaşları iştirak ediblər.
Kapital Bankın oktyabrın 1-dən start verdiyi lotereya kampaniyasının ilk 100 qalibi məlum olub. “Ödəmələr hədiyyəli, hər ay qazan bir 50!” devizi altında keçirilən lotereyanın şərtlərinə uyğun olaraq hər bir qalibin kart hesabına 50 manat köçürüləcək. Kampaniya 1 yanvar 2014-cü ilə qədər davam edəcək.
Unibank-ın daha bir lotereyasının qalibləri açıqlanıb. Bankın “Alkredit plus nağd krediti əldə edin və qazanın” adlı tirajlı stimullaşdırıcı lotereyasının ilk tirajının qalibləri müəyyən edilib. Müsabiqə komissiyasının iştirakı ilə elektron püşkatma qaydasındakeçirilən uduş fondunun nəticələrinə əsasən, 26 qalib seçilib. Qaliblərdən 20 nəfər 100 manat , 4 nəfər 500 manat, 2 nəfər isə 1000 manat pul mükafatı əldə ediblər.
Parabank "Xeyriyyəçi" adlı yeni əmanət növünü təqdim edir. Əmanətin fərqli cəhəti əmanətin yerləşdirildiyi müddət ərzində əmanət üzrə hesablanmış faiz məbləğinin Bank tərəfindən və əmanətçinin adından xeyriyyə aksiyalarının keçirilməsi (kimsəsiz və qüsuru olan uşaq evlərinə yardım və şənliklərin keçirilməsi; vətəndaşların Həcc Ziyarətinə göndərilməsi; ağır xəstələrin tibbi müalicəsi və sair); məqsədlərinə xərclənməsi üçün köçürülməsidir.
İntegralPlus mağazalar şəbəkəsi və “Bank of Baku” Bolkart sahibləri üçün HTC, Nokia və LG mobil telefonlarının sərfəli satış kampaniyasını elan edirlər.
Bolkart istifadəçiləri İntegral Plus mağazalar şəbəkəsindən bütün HTC, Nokia və LG telefon modellərini əlavə xərcsiz və nağd qiymətinə alıb, 12 aya rahat ödəniş edə bilərlər.
Artıq hər bir tələbə yalnız tələbə biletini təqdim etməklə, Unibank-dan 500 AZN –lik ALBALI kartı ala bilər. Dekabrın 15-dək ALBALI kartı alan tələbələr isə üstəlik 28 Cinema-ya bilet hədiyyə edilir. Belə ki, bu tarixədək 28 Cinema-dan gunorta seansına alınan, qiyməti 8 AZN-dək olan biletin dəyəri tələbənin Albalı kartına qaytarılır.
DəmirBank-ın aktivləri 1 noyabr 2013-cü il tarixinə 389,7 mln. manat təşkil edib. Müştərilərə verilən kreditlərin həcmi isə bu dövr ərzində 14,2 mln. manat və ya 5% artaraq 300 mln. manatı keçib.
Bankda müştəri depozitlərinin həcmi 1 noyabr 2013-cü il tarixinə 177,3 mln. manat olub. Əhalinin əmanətlərinin həcmi isə 1 noyabr 2013-cü il tarixinə 149,6 mln. manat təşkil edib ki, hesabat dövrü ilə müqayisədə bu göstərici 19,2% və ya 24,1 mln. manat çoxdur.
