Müəllif: Tamara Mustafayeva, Banco.az
Bir vaxtların alış-veriş əfsanəsi “Pac-Man” oyunu haqqında qeyri-adi faktlar bəlli olub.
Banco.az xəbər verir ki, ekrandakı sarı canavarın hər şeyi yediyi alış-veriş oyunu “Pac-Man” 80-ci illərin ən böyük bombası idi. Bununla belə, müasir dövrdə də bu oyuna maraq göstərənlər az deyil. Belə ki, hər kəsin həyatında ən azı bir dəfə oynadığı bu oyun hələ də əksər oyun platformalarında aktualdır. İndi isə gəlin “Pac-Man” əfsanəsinin tarixinə bir az səyahət edək və bu vaxta qədər eşitmədiyimiz faktlarla tanış olaq.
1) Yemək tapşırığı qadınların diqqətini cəlb etmək üçün nəzərdə tutulmuşdu.
Oyunun dizayneri Toru İvatanın başlıca məqsədi hədəf auditoriyanı dəyişmək olub. Çünki həmin illərdə oyunlara əsasən kişilər maraq göstərirdilər.
2) Oyunun orijinal debüt adı “Puck-Man” idi.
Puck-Man adı yapon dilində yemək mənasını verən "pakku pakku" sözündən yaranıb. Pakku pakku əslində xırtıltı ilə yemək deməkdir. Bu, oyunun məzmununa çox uyğun olardı, ancaq “Puck” sözü ingilis dilindən tərcümədə “dəcəl oğlan” mənasını verdiyi üçün bu fikirdən daşınıblar.
3) Pac-Man 1982-ci ildə Time jurnalının üz qabığında idi.
1980-ci ildə oyun konsolu olaraq oyunçulara təqdim edilən “Pac-Man” elə buraxıldığı ilk illərdə populyarlıq qazandı. 1982-ci ildə daha da məşhurlaşan oyun artıq sentyabr ayında Time jurnalının üz qabığında idi.
4) Pac-Man bir neçə dəfə Ginnesin Rekordlar Kitabına daxil edilib.
Dünyanın dörd bir yanını bürüyən bu populyarlıqdan əlavə, “Pac-Man” öz nailiyyətləri ilə də məşhurdur. İstehsal və İstehlak mərhələlərində yüksək göstəricilərlə “Ən Tanınan Video Oyun Personajı” və “Ən Uğurlu Sikkə Oyunu” olaraq Ginnesin Rekordlar Kitabına daxil edilib.
5) “Google”un “Pac-Man Doodle” ilə tərəfdaşlığı şirkətlərə mənfi təsir göstərdi.
İki böyük nəhəng bir araya gələrək 21 may 2010-cu ildə “Google”un ana səhifəsində “Pac-Man Doodle” oyununu yerləşdirdi. “Doodle”ın ana səhifədə olması milyonlarla insanı bir kliklə oyuna daxil edirdi. Bununla da, “Doodle” vasitəsilə 4,8 milyon saat “Pac-Man” oynanılması şirkətlərə ümumilikdə 148 milyon dollar zərər vurub.
Bizi sosial şəbəkələrdən izləyin!!
