Qanunvericiliyə parklanma məntəqəsi və xidməti parklanma yeri anlayışları daxil edilir.
Bu, Milli Məclisin bu gün keçirilən iclasında müzakirəyə çıxarılan “Yol hərəkəti haqqında” qanuna təklif edilən dəyişiklikdə əksini tapıb.
Layihəyə əsasən, parklanma məntəqəsi avtomobil yolunun hərəkət hissəsində və ya ona bitişik hissədə nəqliyyat vasitələrinin durması üçün ayrılmış bir neçə parklanma yerinin və ya xidməti parklanma yerinin olduğu ərazidir.
Xidməti parklanma yeri xidməti zərurətlə əlaqədar dövlət orqanlarının (qurumlarının) istifadəsində olan və ya dövlət orqanlarının (qurumlarının) əməkdaşlarına məxsus olan nəqliyyat vasitələrinin durması üçün bu Qanunla müəyyən edilmiş qaydada işarələnmiş və təchiz edilmiş ödənişsiz parklanma yeridir.
Qanun layihəsi səsverməyə çıxarılaraq birinci oxunuşda qəbul edilib.
apa
Bizi sosial şəbəkələrdən izləyin!!
