Tamara Mustafayeva, Banco.az
Hər hansı bir işdən istefa etmək həmişə narahat edici proses olmuşdur. Müdirləriniz və həmkarlarınızla xoş ünsiyyət qurduqdan və onlar da sizin peşəkar inkişafınıza müəyyən dərəcədə fayda verdikdən sonra işdən ayrılmaqla bağlı qərarınıza görə üzləşə biləcəyiniz reaksiyalar təbii olaraq sizdə narahatlıq yarada bilər.
“Xəbəri necə qarşılayacaqlar?”, “Bəs müdir əsəbləşər və ya məyus olarsa?”. Bütün bu qorxuducu düşüncələrə baxmayaraq, şirkətdən istefa edən ilk insan olmadığınızı və əlbəttə ki, son da olmayacağınızı xatırlamalısınız.
İstefa etmək iş həyatının ən təbii hissəsidir. Ancaq istefa edilməsinin normal olması işdən ayrılma prosesində bəzi məsələlərdə çətinliklərin yaranmayacağı demək deyildir. İş mühitində xəbərlər sürətlə yayılır, odur ki, keçmiş ofisinizdən mənfi təəssürat yaradaraq, mübahisə edərək ayrılmağınız yeni işinizdə nüfuzunuza xələl gətirə bilər. Bu səbəblə də, nəzakətlə istefa etmək peşəkar münasibətləri qorumaq və karyeranızda əminliklə yüksəlməyiniz üçün çox vacibdir.
İşdən peşəkar formada istefa etmək üçün aşağıdakı tövsiyələrə diqqət yetirməlisiniz.
- Müdirə qərarınızı açıqlamazdan əvvəl mövzu ilə bağlı həmkərlarınızla danışmayın.
- İstefa ərizəsini şəxsən özünüz təqdim edin.
- İstefa qərarınızı bu qərarı icra etməyi düşündüyünüz tarixdən ən az 2 həftə əvvəl xəbər verin.
- Vəzifənizi icra edəcək namizədə işi öyrədin.
- Həmkarlarınıza vidalaşmaq üçün onlara e-mail göndərin.
- Müdirlərinizə, komanda yoldaşlarınıza və ya həmkarlarınıza qarşı özünüzdə mənfi fikirlər formalaşdırmayın və işdən xoş təəssüratla ayrılmağa çalışın.
Bizi sosial şəbəkələrdən izləyin!!
