Müəllif: Tamara Mustafayeva, Banco.az
İş mühitinin məhsuldarlıqla birbaşa əlaqəli olması ilə yəqin ki, əksər işəgötürənlər razılaşar. Xüsusilə günü əksər hissəsini ofisdə oturan kollektivin hər gün işə həvəslə gəlməsini, iş saatlarından zövq almasını təmin etmək üçün ilk növbədə gözoxşayan mühit, maraqlı dizayn yaratmaq lazımdır.
Banco.az sizə dünyanın ən maraqlı və qeyri-adi dizayn edilmiş ofislərindən birinə sahib olan investisiya bankını təqdim edir.
Avstraliyanın qlobal maliyyə xidmətləri qrupu olan “Macquarie Group Limited”ə məxsus investisiya bankının inzibati binası Sidneyin Van Şelley keçəsində yerləşir. Bu bina həm öz memarlıq üslubuna və dizaynına görə, həm də ekoloji davamlılıq və iş mühitinin funksionallığına görə bu vaxta qədər bir çox mükafatlara layiq görülmüşdür.
Binanın eksteryer dizaynı “Sidnetin Fitzpatrick & Partners” memarlıq şirkəti, interyer dizaynı isə “Clive Wilkinson Architects” şirkəti tərəfindən həyata keçirilmişdir.
Photo credit: The Cool Hunter
Bizi sosial şəbəkələrdən izləyin!!
