Tamara Mustafayeva, Banco.az
Bitkoin günorta saatlarında kritik səviyyəni üstələyib.
Banco.az xarici mətbuata istinadla bildirir ki, ən dəyərli kriptovalyuta hesab edilən bitkoin Bakı vaxtı ilə saat 13:55-də gündəlik əsasda 5% bahalaşmaqla 50 min 205 dollara çatıb. Bitkoində axırıncı dəfə bu kritik səviyyə 9 iyul tarixində qeydə alınmışdı. Belə ki, o zaman sözügedən kriptovalyuta növü 51 min 800 dollara qədər bahalaşmağa nail olmuşdu.
Bununla yanaşı, ikinci ən dəyərli kriptovalyuta hesab edilən ethereum da günorta saatlarında gündəlik əsasda 2,1% dəyər qazanmaqla 3 min 410 dollara qalxıb.
Qeyd edək ki, ötən sutka ərzində bazar dəyəri baxımından ilk 100-ə daxil olan kriptovalyutaların 74-ü dollara qarşı dəyər qazanıb.
Bizi sosial şəbəkələrdən izləyin!!
