Banklar tərəfindən müxtəlif sığorta şirkətləri vasitəsi ilə kreditlərin sığortalanması çox önəmlidir. Çünki, kreditin geri qaytarıla bilmədiyi hallardan həm bank, həm də müştəri özünü sığortalamış olur. Düzdür, bu gün müştərilər götürdükləri kreditdən müəyyən haqq çıxılmasını istəmirlər, çünki bu hal ümumi kredit məbləğini aşağı salır. Lakin başa düşmək lazımdır ki, bu onların xeyrinədir. Belə ki, tutulan bir neçə faiz sığorta haqqı gələcəkdə hər hansı bədbəxt hadisə nəticəsində ödəmə qabiliyyətini itirən müştərini külli miqdarda kredit ödəmə məcburiyyətindən xilas edir.

Banklar kreditləri əsasən fərdi qəza sığortası və həyat sığortası üzrə sığortalayırlar, bəzi hallarda isə girov əsasında verilmiş kreditlərdə girov qoyulmuş əmlak sığortalanır. Sığorta hadisəsi baş verdikdə isə kredit götürmüş müştəri ödənilməli olan kredit borcundan azad olunur.

Banco.az olaraq bankların müştərilər tərəfindən götürülən kreditlərə görə sığorta təkliflərini araşdırdıq. Aşağıdakı cədvəldən hansı bankların sığorta təklif etdiyini və onların sığorta haqlarını, hansı bankların isə ümumiyyətlə sığorta təklif etmədiklərini görə bilərsiz.

Qeyd edək ki, bütün məlumatlar banklarla əlaqə saxlanılaraq toplanmışdır.

"Hansı banklardan hal-hazırda kredit götürmək mümkündür?" sualına cavab axtarırsınızsa, buraya daxil olun.

Bankların sığorta göstəriciləri belədir:

Cədvəldən də gördüyünüz kimi, yalnız 9 bank kreditləri sığortalayır. Bankların bəzilərində müştərinin istəyindən asılı olaraq kreditlər sığortalana bilər, lakin, bir çoxunda kreditlərin sığortalanması tamamilə aparılmır. 

Gələk kreditlərə sığorta tətbiq edən banklara. Beynəlxalq Bank-da nağd pul krediti sığortalanarkən 4% sığorta haqqı tutulur. Kapital Bank-da isə bu faiz  0,42-5% arasında dəyişir. Nikoil Bank yalnız 50 yaşdan yuxarı müştəriləri sığortalayır. Rabitəbank isə 1-3% arası sığorta haqqı tutur. Digər banklar isə təəsüf ki, bu göstəriciləri açıqlamır və hər bir müştəri üzrə fərdi baxıldıqdan sonra müəyyən edildiyini bildirir.