Nəyə görə bankda işləmək çətindir və bankda işləməyin mənfi tərəfləri hansılardır. Banco.az bankirlərimizin və bank işçilərinin şikayətlərindən ruhlanaraq, bu yazını sizə təqdim edir.
- Səni zəngin hesab edirlər – hamı elə bilir ki, bankın pulu sənin pulundur. Kredit vermək beş dəqiqənin işidir. Bütün qohumlar deyir ki, “kredit düz-qoş elə, bizim üçün”.
- İyerarxik struktur çox böyükdür, rəhbərlərin sayı çoxdur. Elə bil ki, vəzifən artsa da, sənin tabe olduğun insanların sayı azalmır.
- Bankda çalışan “back office” –xanımları ailə qurmaqda çətinlik çəkir və “gec ərə getməkdən” şikayətlənir, çünki orada onları görən olmur :)
- Dress code – xüsusilə marketinq sahəsində işləyənlər üçün belə geyim narahatlıq yaradır, istər istəməz rahat düşünməyə mane olur. Xanımların qarderobu isə ağ köynəklərlə dolur və onları işdən başqa harasa geyinmək olmur.
- Təhlükəsizlik qaydaları – bəzən dünyadan təcrid olursan. İT bütün saytları bağlayır, hər gün günün ən az 1 saatını lazım olan saytları açdırmaq üçün sərf edirsən, motivasiya itir, əsəblər korlanır.
- Məsuliyyət və risk –Adi valyuta və ya rəqəm səhvi sizə baha başa gələ bilər. Hər hansı bir hesabda abir rəqəmi səhv salmaqla müştəriləri və ya özünüzü çətin duruma salmış olursunuz.
- Müştərilərə pis xəbər vermək – hansısa qayda dəyişəndə ya bankın vəziyyəti pisləşəndə bunu müştərilərə başa salmaq lazım gəlir. Həmçinin kredit işçiləri gecikmədə olan müştərilər ilə “əsəblərini” korlamalı olur.
- Oturaq və bitmək bilməyən iş – hamı işdən 6-da çıxanda, bank işçiləri saatlarla işdə qalmalı olur, daimi yorğunluq və gərginlik stressə yol açır. Böhrandan ən çox əziyyət çəkənlər – ixtisr olunma ehtimalı işçiləri daima stress altında saxlayır.
- Alsgeymer xəstəliyi ən çox bank işçilərində rastlanır.
- İstədiyin vaxt məzuniyyət götürmək ya arada işdən qalmaq şansının olmaması – Dostların sənə, “gəl, Avropaya gedək” deyəndə “bilmirəm işdən buraxarlar” deməli olursan :)
Könül Soltanova, Banco.az
