Müəllif: Tamara Mustafayeva, Banco.az
5G-nin gəlişi ilə smartfonlarda təyyarə rejimi ləğv edilir.
Banco.az xəbər verir ki, smartfonlarda aviasəyahət zamanı tətbiq edilən “təyyarə rejimi” 5G-nin gəlişi ilə ləğv edilir.
Avropa Komissiyasının qərarına əsasən, komissiyaya üzv dövlətlər 5G tezlik diapazonlarını təyyarələr üçün də istifadəyə yararlı etməlidir.
30 iyun 2023-cü il tarixinədək aktivləşdirilməsi nəzərdə tutulan bu yeni tətbiqlə sərnişinlər uçuş zamanı smartfonlarının bir çox xüsusiyyətlərindən istifadə edə biləcəklər. Səyahət zamanı yarana biləcək təhlükələrin qarşısını almaq üçün tətbiq edilən “təyyarə rejimi”nin aradan qaldırılması ilə istifadəçilər gündəlik həyatlarında olduğu kimi uçuş zamanı da zəng, mesajlaşma və mobil məlumatlardan istifadə edə biləcəklər.
Bizi sosial şəbəkələrdən izləyin!!
